Клиник фармакология кафедраси ходимлари ва тиббий-педагогика факультети 503 с гурух талабалари билан Тошкент политехника музейига ташриф буюришди. Музейда Жаҳон ва мамлакатимиз автомобилсозлик саноати тарихига оид экспонатлар, макетлар намойиш килинган. Талабалар автомобилсозлик саноатининг бугунга қадар босиб ўтган йўли, бир неча аср муқаддам яратилган илк машиналар, тракторлар, дунёда ясалган биринчи ғилдирагу машиналар макетидан тортиб, ХХ асрда энг оммабоп бўлган “Wolksvagen Juk”, “Москвич 400”, “ГАЗ-13”, “Чайка” каби автомобиль намуналари билан танишдилар. Шунингдек, буғ, электр, ички ёнув двигителлари, шу асосда ҳаракатланган автомобилларнинг макетлари, юртимиздаги илк трамвай ва троллейбусларнинг макетларини тамоша қилдилар. Талабалар уз фикр мулохазаларини билдиришди ва улар томонидан берилган саволларга музей ходимлари томонидан жавоб берилди.
